96 kërkesa për falje të dënimit, Osmani s’e pranon asnjë

Aktuale

96 kërkesa për falje të dënimit, Osmani s’e pranon asnjë

Më: 3 dhjetor 2021 Në ora: 20:03
Presidentja Vjosa Osmani

Mbi 1 mijë persona vuajnë dënimet nëpër burgje të Kosovës, të shpallur fajtorë për vepra të ndryshme penale.

Prej tyre, 96 të burgosur kanë kërkuar këtë vit që t`u falet pjesa e mbetur e dënimit.

Këtë e kanë konfirmuar Shërbimi Korrektues i Kosovës.

“Nga fillimi i vitit 2021, e deri më tani kemi përcjellë në Zyrën e Sekretarit të Përgjithshëm të Ministrisë së Drejtësisë për procedure të mëtutjeshme 96 kërkesa”, thuhet nga SHKK.

Këto kërkesa shkojnë tek Presidenca.

Shefja e kësaj zyre, Vjosa Osmani është ajo e cila e gëzon të drejtën ekskluzive për pranimin ose refuzimin e tyre.

Deri tash ajo nuk e ka falë asnjërin prej të burgosurve që kanë kërkuar lirim.

“Deri tash nuk na ka ardhë konfirmimi se është pranuar ndonjë”, thanë nga Shërbimi Korrektues i Kosovës.

Njohësit e drejtësisë disa herë kanë potencuar se e drejta për falje është keqpërdorë nga presidentët.

Ndërsa, për shkak të gjendjes së rëndë shëndetësore, 8 kërkesa janë proceduar në gjykatat kompetente për pezullim të ekzekutimit të dënimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat