Policia e Kosovës garanton në Speciale për lirimin e Haradinajt dhe Gucatit

Aktuale

Policia e Kosovës garanton në Speciale për lirimin e Haradinajt dhe Gucatit

Më: 8 dhjetor 2021 Në ora: 17:29
Nasim Haradinaj e Hysni Gucati

Policia e Kosovës ka dërguar garancë për lirimin nga paraburgimi edhe të krerëve të Organizatës së Veteranëve të Luftës, Nasim Haradinaj e Hysni Gucati.

Gjithçka kishte nisur më 22 tetor, kur Trupi Gjykues kishte urdhëruar vazhdimin e paraburgimit për Gucatin e Haradinajn.

Po atë ditë, Trupi Gjykues kishte kërkuar nga Policia e Kosovës që të dërgojë informacione mbi aftësitë e saja operacionale për zbatimin e lirimit me kusht.

Garanca e Policisë së Kosovës për dy të lartpërmendurit kishte shkuar në Gjykatën Speciale më 25 nëntor, teksa më 2 dhjetor e njëjta ka shkuar e përkthyer në gjuhën angleze.

Kësisoj, Trupi Gjykues ka marrë vendim që Prokurorisë t’i caktojë afatin që deri më 10 dhjetor në orën 16:00 të dërgojë komentet e saja mbi raportin, teksa mbrojtjes i ka dhënë afat që këtë ta bëj deri më 16 dhjetor.

Pas analizimit të rrethanave dhe parashtresave, pritet të nxirret një vendim i ri për lënien ose jo në paraburgim të Haradinajt dhe Gucatit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat