“Ramushin pyete: Qysh m`u bë milioner e mos me punua kurrgjë; Lumirin: me çfarë shamponi i lanë flokët, Memlin..”/ Berisha komenton zhvillimet rreth referendumit serb

Aktuale

“Ramushin pyete: Qysh m`u bë milioner e mos me punua kurrgjë; Lumirin: me çfarë shamponi i lanë flokët, Memlin..”/ Berisha komenton zhvillimet rreth referendumit serb

Nga: M.L. Më: 14 janar 2022 Në ora: 16:42
Kimete Berisha

Publicistja Kimete Berisha ka komentuar zhvillimet e fundit pas refuzimit të institucioneve të Kosovës për mbajtjen e referendumit të Serbisë brenda territorit të vendit.

Nëpërmjet një postimi në Facebook, Berisha ka thënë se krerët e shtetit janë duke e kundërshtuar në mënyrë false mbajtjen e Referendumit të Serbisë për serbët e Kosovës.

Ajo ka thënë se lejimi i votimit online ose me postë, kryeministrit Kurti i duket më pak 'tradhti', i duket 'tradhti digjitale', kurse votimi klasik me letër i duket 'tradhti klasike'.

Po ashtu, Kimete Berisha ka shkruar edhe për opozitën e cila sot përkrahi krerët e institucioneve të Kosoës, lidhur me vendimin për referendumin.

Postimi i plotë:

Kishe po kundërshtojnë...

Janë duke e 'kundërshtuar' në mënyrë false mbajtjen e Referendumit të Serbisë për serbët e Kosovës (të cilët i kanë dy nënshtetësi)...

Trojka: qeveria e Kosovës (me Presidenten dhe Krye-kuvendarin), po duken si karikatura që kategorikisht po refuzojnë ndryshimin e Kushtetutës së Serbisë, në të cilën Kosova përfshihet si pjesë e Serbisë.

Nga ky këndi ku po shikoj unë, po duket se Kosova nuk po i lejon serbët ta ndryshojnë realitetin 'e keq' për neve, ani pse ata do ta bëjnë të veten, do të votojnë për ndryshimet e tyre kushtetuese, i kundërshtove s'i kundërshtive ti.

Në mahallën e boshnjakëve, buzë Ibrit, ekziston ndërtesa (që po renovohet) me mbishkrimin Republika e Serbisë, e cila e konsideron shtetin e Kosovës, si pjesë të Serbisë.

Në pjesën veriore të Mitrovicës ekziston Universiteti (me ngjyrë portokalli ose pembe), paralel i Prishtinës, dhe asgjë-askujt, as s'jemi më shumë, as pak më shtet.

Vetura pa regjistrim e me regjistrim të qyteteve të Serbisë dhe të 'Kosovës e Metohisë' i ke gjithandej tek ura e Ibrit.

Qeveria e Kosovës, ua paguan serbëve rrymën me paret tona, dhe reduktimet vlejnë veç për shqiptarët.

Nxënësit serbë në shkollat e Kosovës e mësojnë një histori krejt tjetër (të rrejshme) për Kosovën.

Qeveria e Kurtit nuk ka vendosur reciprocitet me Serbinë...hiç, për asgjë....

e tash, përnjëherë po e 'lusin' Kryeministrin shtetet më të fuqishme në botë, të bëj diçka 'që nuk bëhet'!

Është njësoj:

Si votoi serbi i Kosovës brenda zyrës së OSBE-së,

si votoi në natyrë të hapur, në sokak, në shkollë, apo me postë - njësoj është.

Kryesore qeveria e Kosovës po e lejon mbajtjen e Referendumit të Serbisë në Kosovë.

Lejimi i votimit online ose me postë, kryeministrit Kurti i duket më pak 'tradhti', i duket 'tradhti digjitale', kurse votimi klasik me letër i duket 'tradhti klasike'.

Posta (si objekt) është në Kosovë,

OSBE është në Kosovë,

Zyra ndërlidhëse e Serbisë është në Kosovë,

serbët janë në Kosovë,

pra është njësoj, si votuan 'tinëz', brenda objekteve, si votuan publikisht.

Për Trojkën është me rëndësi mos m'u pa e vërteta.

A bën me votu me kry n'dritare, n'ballkon të soliterit, as n'tokë, as n'qiell....

Nxënësi serb në Kosovë, në shkollë, e mëson një histori antishqiptare, kurse prindi i tij në të njejtën shkollë ndalohet të votojë ndryshimin e Kushtetutës së Serbisë (por lejohet online dhe tinëz në OSBE). !

Kush e ha këtë fall, përveç opozitës.

P.S.

1. Ramushin pyete:

- Qysh duhet me luftu e me dal i gjallë nga lufta;

- Qysh m'u bë milioner e mos me

punu kurgjë;

- Qysh me qenë 'i dyshimtë', e kurrë mos me pas faj!

2. Lumirin pyete 'Kah po gjendesh kështu kohëve të fundit dhe me çfarë shamponi i lanë flokët';

Memlit tregoji se:

'Gjykata Kushtetuese nuk e ka ndaluar PDK-në ta përmendin Hashim Thaçin e Kadri Veselin....

Mos u tut. Nuk është rrezik. Mund t'i duash edhe 'njerëzit e gabuar'....Mos prit të shpallen të pafajshēm për t'i dashur përsëri!

Duke e mohuar të kaluarën (me heshtje), nuk rikrijohesh.

Harrohesh!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat