Mbajtja e seancës urgjente, deklarohet Arben Gashi

Aktuale

Mbajtja e seancës urgjente, deklarohet Arben Gashi

Më: 14 janar 2022 Në ora: 18:05
Arben Gashi

Qeveria ka bërë të ditur se me ftesën e kryeministrit Albin Kurti, gjatë ditës së nesërme do të mbahet seancë e jashtëzakonshme parlamentare.

Kjo seancë do të mbahet me fillim prej nga 14:00 ku do të diskutohet çështja e referendumit të Serbisë brenda territorit të Kosovës.

Zyra e Kryeministrit tregoi se në rend dite është diskutimi për këtë çështje e në fund nxjerrja e një rezolute të përbashkët.

“Në rend të ditës së kësaj seance të jashtëzakonshme është diskutimi në lidhje me synimin e Serbisë për të mbajtur referendum kushtetues në territorin e Republikës së Kosovës. Diskutimi nga kjo seancë ka për qëllim të nxjerrë një rezolutë të përbashkët, në të cilën shprehet vullneti politik i deputetëve dhe grupeve parlamentare dhe Kuvendit të Republikës së Kosovës, mbi çështjen e lartshënuar”, thuhet në njoftim.

Lidhur me këtë çështje, shefi i Grupit Parlamentar të LDK-së, Arben Gashi, është deklaruar ai.

Gashi thotë se qëndrimi i i Lidhjes Demokratike të Kosovës do të shihet nesër kur të fillojë seanca emergjente.

“Qëndrimi i LDK-së shihet nesër në seancë. Ende nuk e kam pranuar ftesën zyrtare për mbajtjen e Seancës”, tha shkurtimisht ai në një prononcim për mediumin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat