Edhe aktori dhe shkrimtari Çun Lajçi, ka reaguar ashpër për shuplakën e Dardan Molliqajt ndaj pjesëtarit të Policisë së Kosovës, dje gjatë protestës kundër vendimit për shtrenjtimin e energjisë elektrike.
Lajçi ka thënë se nga ai popull që e rreh policin e vet, pritet vetëm rrena dhe tradhtia, përcjell Bota sot.
Ai ka pyetur kryetarin e Partisë Socialdemokrate (PSD), nëse do të godiste policin, po të takohej natën me të sy me sy.
Reagimi i tij i plotë në Facebook:
Mjerë populli që e rreh policin e vet
Këta policët tonë, (policë me iu thanë), n’luftë me serbë e n’luftë me shqiptarë.
E kanga dikur k’nohej:
“N’luftë me turqë e n’luftë me serbë”!
Grushtohu prej tyne e flakareshu prej nesh!
Por!
A thua ky far ‘trimi’ me emër dardanësh, a kishte me thye rrugën, sikur t’shihej natën, sy m’sy me policin civil, që i ra shuplakë n’derë t’Qeverisë, apo do t’ishte po kaq trim, siç u tregua me një turmë gallamxhishë mbas veti?!
I mjerë është ai popull, që s’i don fëmijët e vet ushtarë e policë!
Nga ai popull s’ke çka pret, pos rrenës e tradhtisë!
