Edhe një lajm i mirë nga Qeveria Kurti, deputeti: Të tjerët i falën asetet, ne po ua kthejmë qytetarëve!

Aktuale

Edhe një lajm i mirë nga Qeveria Kurti, deputeti: Të tjerët i falën asetet, ne po ua kthejmë qytetarëve!

Nga: A.ZH Më: 1 shkurt 2022 Në ora: 16:42
Dimal Basha

Deputeti i Kuvendit të Kosovës nga Lëvizja Vetëvendosje Dimal Basha, ka thënë se dje Agjencia Kosovare e Privatizimit, ka kthyer në pronë shoqërore ish-ndërmjarrjen “NBI Suhareka”.

Ai ka thënë se për herë të parë AKP ka kthyer në pronësi një aset kaq të rëndësishëm, siç është “NBI Suhareka”, e cila kishte qindra punëtorë dhe në prononësi në përgjithësi 1,170 hektarë tokë. 

Sipas deputetit, Qeveria e Albin Kurtit po ia kthen asetet qytetarëve, përderisa të tjerat qeveria i kanë falur, përcjell Bota sot.

Reagimi i Bashës në Facebook:

E di që iu ka ikur si lajm, prandaj po iu njoftoj se AKP dje ka kthyer në pronësi ish-ndërmarrjen shoqërore “NBI Suhareka” 
AKP ka shitur mbi 2000 asete publike përmes 116 valëve të privatizimit, pra siç e dimë shumica janë fal, e disa kanë shku për skrap. 

Kurse dje, qytetarë të nderuar, për herë të parë AKP kthen në pronësi një aset kaq të rëndësishëm, siç është “NBI Suhareka”, e cila kishte qindra punëtorë, në pronësi 700 hektarë rrush, kurse në përgjithësi 1,170 hektarë tokë. 

Kjo miq e dashamirë është lajm i mirë por që nuk po gjen shumë hapësirë tek portalet, por megjithatë punët e mira po vazhdojnë. Pra derisa tjerët kanë dhënë fal, tani e kemi Qeverinë Kurti që po ia kthen asetet qytetarëve. 

#QeveriaKurti2

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat