​Konjufca i jep të drejtë opozitës për komisionin hetimor për energjinë

Aktuale

​Konjufca i jep të drejtë opozitës për komisionin hetimor për energjinë

Më: 19 prill 2022 Në ora: 12:23
Glauk Konjufca

Kryetari i Kuvendit të Kosovës, Glauk Konjufca u ka dhënë të drejtë partive opozitare për formimin e komisionit hetimor për energjinë. Këtë e ka arsyetuar, me deklarimin që kishte bërë në kohën sa ishte shef i deputetëve të Lëvizjes Vetëvendosje.

Ai tha se e kishte quajtur gabim mohimin e të drejtës për formim të komisionit hetimor.

Konjufca: Po dua t’i jap të drejtë opozitës

“Po dua t’i jap të drejtë opozitës, sepse atëherë kam qenë kryetar i Grupit Parlamentar kur na është mohuar kjo çështje dhe kam dalë e kam thënë që ajo është gabim. Kështu që për të qenë në konsistencë edhe me këtë interpretim që kam pasur atëherë, mendoj që duhet ta hapim fazën e propozimit të emrave për këtë komision hetimor parlamentar”, ka deklaruar ai.

Partia Demokratike e Kosovës ka mbledhur 40 nënshkrimet për formimin e këtij Komisioni Hetimor Parlamentar për Krizën Energjetike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat