Ndarja e 100 eurove, kur pritet t’i marrin punëtorët e sektorit privat?

Aktuale

Ndarja e 100 eurove, kur pritet t’i marrin punëtorët e sektorit privat?

Më: 27 prill 2022 Në ora: 16:38
Hekuran Murati

Ministria e Financave, Punës dhe Transfereve ditë më parë kishte hapur formën e aplikimit për mbështetje për punëtorët që nuk marrin pagë nga buxheti i shtetit.

Sipas MFPT-së, kusht për kualifikim për mbështetje nga kjo masë është që punëtori të ketë qenë i deklaruar si i punësuar.

Aplikimi [https://apps.atk-ks.org/Subvencionim] për mbështetje nga kjo masë do të jetë i hapur nga data 21 prill deri më 20 maj 2022.

“Kusht për kualifikim për mbështetje nga kjo masë është që punëtori të ketë qenë i deklaruar si i punësuar në periudhën tatimore shkurt 2022”, thekson MFPT-ja.

Po ashtu, ministria thekson se punëtorët që janë deklaruar më vonë se kjo periudhë tatimore, ndarja e këtyre mjeteve do t’i marrin në fund të muajit qershor.

Për ata që janë deklaruar gjatë muajit shkurt, pretendohet që mjetet do t’i marrin duke filluar nga muaji maj.

Ndërsa, ata që kanë pagë më të lartë se 1,000 euro dhe punëtorët që nuk kanë qenë të regjistruar në muajin shkurt, nuk mund të përfitojnë këto subvencione nga shteti.

“Punëtorët të cilët janë deklaruar nga punëdhënësi në periudhën tatimore mars 2022, mund të aplikojnë, mirëpo subvencionin do të mund ta përfitojnë vetëm pasi të jenë deklaruar edhe për periudhat tatimore prill dhe maj, që nënkupton se subvencionin do të mund ta marrin në fund të muajit qershor 2022”, thuhet në njoftimin e ministrisë.

Kjo ministri thekson se të punësuarit që dëshirojnë ta verifikojnë se a janë të kualifikuar për këtë subvencionim, duhet t’i kontrollojnë të dhënat e tyre në Administratën Tatimore të Kosovës.

“Në rast se të punësuarit dëshirojnë të verifikojnë nëse punëdhënësi i ka deklaruar si të punësuar në ATK për periudhën tatimore shkurt 2022, ashtu që të konfirmojmë se kualifikohen për mbështetje, mund të ndjekin vegzën https://apps.atk-ks.org/regemployer”, përfundon MFPT-ja.

Ministria bënë të ditur se të punësuarit e sektorit publik që marrin pagë nga buxheti i shtetit nuk kanë nevojë të aplikojnë sepse subvencionin do ta marrin me pagën e muajit prill.

Qeveria e Kosovës në mbledhjen e fundit ka marr vendim që për muajin prill, pensionistëve, punëtorëve të sektorit privat e publik dhe studentëve do t’iu ndahen nga 100 euro.

Kjo masë në kuadër të Pakos së Ringjalljes Ekonomike, buxhetit do t’i kushtoj rreth 100 milionë euro dhe përfshinë mbi 800 mijë qytetarë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat