Dënimi i me burg i deputetes së VV-së, flet Kusari-Lila

Aktuale

Dënimi i me burg i deputetes së VV-së, flet Kusari-Lila

Më: 17 maj 2022 Në ora: 13:26
Mimoza Kusari-Lila

Deputetja e Lëvizjes Vetëvendosje, Jetmire Vrenezi, është dënuar sot me tri vjet burg dhe 2 mijë euro gjobë nga Gjykata Themelore në Prizren për keqpërdorim të detyrës zyrtare.

Në lidhje me këtë dhe masat e mundshme që mund të ndërmerren ndaj deputetes, shefja e grupit parlamentar të Lëvizjes Vetëvendosje, Mimoza Kusari-Lila, tha se i duhet konsultë paraprake.

“Për deklarim zyrtar të grupit më duhet konsultë sepse është çështje e ndjeshme dhe serioze”, është shprehur Kusari.

Deputetja e VV-së, Jetmire Vrenezi, në kohën sa ishte inspektore e ndërtimit në Prizren kishte marrë vendim që ta rrënojë një aneks të objektit “Abi Çarshia” në këtë komunë.

“E akuzuara J.V., në cilësinë e inspektores së ndërtimit duke ditur se nuk kanë të drejtë të bëjnë rrënimin e objektit të të dëmtuarit, meqë është në kundërshtim me vendimit e MMPH të datës 27.08.2018, përveç inspektimeve që kanë kryer në objektet, e akuzuara J.V., merr konkluzion mbi rrënimin e objektit “Abi Çarshia” pronë e “Abi” Sh.P.K., me nr. …….me datë 15.07.2019”, thuhet në vendimin e Gjykatës Themelore në Prizren.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat