Deputetja e LDK-së flet për takimin Abdixhiku-Rama, tregon mesazhin që iu dha kryeministrit shqiptar

Aktuale

Deputetja e LDK-së flet për takimin Abdixhiku-Rama, tregon mesazhin që iu dha kryeministrit shqiptar

Nga: A.M Më: 17 maj 2022 Në ora: 14:08
Lumir Abdixhiku dhe Edi Rama

Kryetari i Lidhjes Demokratike të Kosovës (LDK), Lumir Abdixhiku, kohë më parë zhvilloi takime me kryeministrin e Shqipërisë, Edi Rama.

Takimi i tij, u prit me kritika të shumta, marrë parasysh qëndrimet politike të Ramës dhe afërsinë e tij më Vuçiqin.

Mirëpo, deputetja e LDK-së, Valentina Bunjaku- Rexhepi e vlerësoi lartë vizitën e Abdixhikut në Shqipëri.

Ajo në një bashkëbisedim me “Bota sot”, tha se mesazhi për Ramën ishte ndjekja e rrugës së Amerikës dhe aleatëve evropianë.

“Mesazhi ynë është ndjekja e rrugës së SHBA-së dhe aleatëve evropianë. Ne kemi bërë punë të shkëlqyer që shkuam në Shqipëri si LDK, sepse është për keqardhje prishja e raporteve me Shqipërinë, siç i prishi Albini me ndërhyrjen në zgjedhjet në Shqipëri”, deklaroi deputetja.

Krahas kësaj, Bunjaku-Rexhepi komentoi edhe koventat e LDK-së në diasporë. Ajo njoftoi se gjeneratat e reja po rikthehen në LDK, pasi janë të zhgënjyer me LVV-në.

“Po vijmë me një energji të re. Mërgata ka qenë gjithmonë LDK, por gjeneratat e reja të prindërve ldkistë kanë besuar t'ia japin shansin LVV-së. Por janë zhgënjyer shumë dhe po rikthehen në LDK, si etërit e tyre. Po rikthehemi fuqishëm. Jemi parti institucionaliste. Shtet-formuese”, tha ndër të tjera Valentina Bunajku-Rexhepi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat