Kurti: Kosova ka indikatorët që të shndërrohet në një lloj Estonie të Evropës Juglindore

Aktuale

Kurti: Kosova ka indikatorët që të shndërrohet në një lloj Estonie të Evropës Juglindore

Më: 19 maj 2022 Në ora: 18:35
Kryeministri Albin Kurti

Kryeministri Albin Kurti po qëndron për vizitë në Shtetet e Bashkuara të Amerikës.

Kurti në SHBA ka takuar drejtuesit e disa prej kompanive të njohur teknologjike.

Ai thotë se ka ftuar investitorët e huaj që të investojnë në Kosovë dhe të shtojnë fitimet e tyre por duke ndihmuar edhe punësimin në Kosovë.

“Kemi ftuar bizneset shqiptaro-amerikane dhe bizneset amerikane të investojë në Kosovë dhe të fitojnë”, tha ai.

I pari i ekzekutivit thotë se rinia e Kosovës janë të përgatitur mirë dhe njohin gjuhën angleze dhe një pjesë e madhe edhe gjuhën gjermane.

“Në Kosovë janë 650 kompani vetëm në fushën e teknologjisë së informacionit. 10% e tyre janë në pronësi të huaj, 21% në pronësi të përzier. Kosova ka indikatorët që të shndërrohet në një lloj Estonie të Evropës Juglindore”.

Kujtojmë, Estonia është ndër vendet e Evropës që ka pasur një zhvillim të hovshëm në aspektin e teknologjisë.

Softueri i njohur për audio dhe videolidhje “Skype” ka qenë produkt estonez para se të blihet nga Microsoft.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat