Kosova nuk është në agjendën e KiE

Aktuale

Kosova nuk është në agjendën e KiE

Më: 19 maj 2022 Në ora: 20:15
KE

Janë zvogëluar gjasat për anëtarësimin e shpejtë të Kosovës në Këshillin e Evropës.

Kjo pasi aplikimi i vendit tonë, nuk do të jetë në agjendën e diskutimit në takimin e Komitetit të Ministrave të Këshillit të Evropës, që do të bahet të premten në Torino të Italisë.

Këtë e ka konfirmuar zyrtarët për informim të Këshillit të Evropës.

I pyetur nëse në takimin e datës 20 maj do të diskutohet për aplikimin e Kosovës, zëdhënësi i Këshillit, Holtgen Daniel, është përgjigjur vetëm me pesë fjalë “Nuk është në rend dite”.

Konfirmim të ngjashëm për tëvë1 ka dhënë edhe një zyrtar tjetër i kësaj organizate, Vojnovic Dusan.

“Ende nuk është caktuar një datë për diskutimin e kërkesës së Kosovës për anëtarësim”, tha ai.

Mirëpo, që nga 12 maji, kur Kosova aplikoi për anëtarësim në Këshillin e Evropës, gjasat shiheshin të mëdha që aplikimi ynë të diskutohej në takimin e së premtes.

E këtë zvarritje për avancimin e Kosovës drejt anëtarësimit në këtë organizatë ndërkombëtare, politologu Dritëro Arifi, po e konsideron si fitore të vendeve jodemokratike.

Tani në këto rrethana gjasat për një anëtarësim të shpejtë të Kosovës në Këshillin e Evropës janë zbehur, ndonëse në vazhdimësi kemi pasur deklarata të shteteve të fuqishme që do ta përkrahin vendin tonë për anëtarësim në këtë organizatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat