Sot Policia e Kosovës ka shkatërruar laboratorin e drogës në Ferizaj.
Këtë aksion ministri i Brendshëm, Xhelal Sveçla, e ka cilësuar të suksesshëm.
Ai ka vlerësuar policinë dhe prokurorinë për këtë aksion.
Postimi në Facebook:
Edhe një aksion i suksesshëm i Policisë së Kosovës.
Policia e Kosovës sot shkatërroi laboratorin e drogës sintetike në Ferizaj me ç'rast janë konfiskuar mbi 68 kg drogë dhe janë arrestuar 10 persona.
Ky lloj droge është jashtëzakonisht i rrezikshëm për shëndetin dhe jetën e njeriut. Përgëzime dhe vlerësime maksimale për policinë dhe prokurorinë. Vazhdojmë të përkushtuar maksimalisht në mbrojtje të jetës së qytetarëve tanë.
