Aktivisti që u dorëhoq nga Vetëvendosje: Më qitën për krahu jashtë

Aktuale

Aktivisti që u dorëhoq nga Vetëvendosje: Më qitën për krahu jashtë

Më: 23 maj 2022 Në ora: 18:31
Blerim Saramati, ish-anëtari i Lëvizjes Vetëvendosje

Blerim Saramati, ish-anëtari i Lëvizjes Vetëvendosje i cili dje dha dorëheqje nga kjo parti, tha se e kanë larguar fizikisht nga zyret e LVV-së pas zgjedhjeve të fundit lokale.

Në Frontal të T7, Saramati tha se në VV ka “diktat” dhe se dega në Prizren udhëhiqen nga një grup i ngushtë, në krye të së cilit tha se qëndron deputeti Artan Abrashi.

“Nuk ka më keq e më shumë sesa me të kapë për krahu dhe me të qitë jashtë përjashta prej zyreve të Lëvizjes pse ti ke dalë kundër tyre”.

“Më kanë hapë për krahu dhe më kanë qitë jashtë zyreve të Lëvizjes me arsyen se ‘na i ke humbë zgjedhjet në Prizren, e ke ndihmu Shaqir Totajn'”, theksoi Saramati.

Sipas tij, “me këta njerëz, asnjë mundësi nuk e kanë” LVV-ja që të kthehet në pushtetin lokal në Prizren.

Ai tregoi një rast kur në mbledhjen e Këshillit të Përgjithshëm të LVV-së, tani zëvendëskryeministri Besnik Bislimi e kishte akuzuar një delegat.

"Këta kanë dëshirë me pasë jo delegatë. Kanë dëshirë me pasë dele gatë; dele gatë. E ky nuk ishte dele gatë, por ishte delegat”, tha Saramati.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat