Lushtaku: Askush nuk e meriton të përmendet më shumë se Hashim Thaçi në Ditën e Presidentit

Aktuale

Lushtaku: Askush nuk e meriton të përmendet më shumë se Hashim Thaçi në Ditën e Presidentit

Më: 24 maj 2022 Në ora: 19:22
Hashim Thaçi dhe Mërgim Lushtaku

“Dita e Presidentit” shënohet në Kosovë në kujtim të ditës kur Ibrahim Rugova u zgjodh President i vendit në zgjedhjet e para të organizuara gjatë kohës së okupimit, më 24 maj 1992.

Mirëpo në këtë ditë, dikush ka zgjedhur të urojë një tjetër ish-president të Kosovës.

Deputeti i PDK-së, Mërgim Lushtaku, ka kujtuar ish-presidentin Hashim Thaçi

Ai thotë se askush nuk meriton të përmendet më shumë në këtë ditë se sa Thaçi.

“Urime Presidenti jonë historik Hashim Thaçi!”

“Në ditën e Presidentit, askush më shumë nuk meriton të përmendet, sesa Presidenti i të gjitha proceseve, Hashim Thaçi. Sepse liria, pavarësia dhe shtet ndërtimi janë etapat reale që e bëjnë një lider të suksesshëm, i cili nderohet nga miqtë e nga populli”, ka përfunduar Lushtaku.

Ndryshe, politikanë të shumtë kanë uruar ditën e presidentit në mënyra të ndryshme.

Disa anë kujtuar ish-presidentin Rugova, e disa tjerë presidentët tjerë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat