Hykmete Bajrami: Qeveria ka frikë të shkarkojë bordin e ZRrE-së

Aktuale

Hykmete Bajrami: Qeveria ka frikë të shkarkojë bordin e ZRrE-së

Më: 26 maj 2022 Në ora: 06:56
Hykmete Bajrami.

Qeveria ka frikë ta shkarkojë bordin e ZRRE-së, për faktin se ata mund të tregojnë me instruksione të kujt kanë punuar deri tani, deklaroi Hykmete Bajrami.

Deputetja nga Lidhja Demokratike e Kosovës tregoi se gjatë konsultimit për ngritjen e tarifave të energjisë, asnjëri nga skenarët që u aplikua më pas nuk ka qenë në diskutim.

Sipas saj, ata kanë marrë një vendim krejtësisht tjetër, krahas dokumentit që e kanë vënë në konsultim publik.

“Arsyeja se pse nuk janë duke e shkarkuar bordin e ZRRE-së, është sepse në momentin që e shkarkojnë, ZRRE-ja do të tregojë me instruksione të kujt ka punuar. Dokumenti që ka qenë në konsultim, asnjëri nga skenarët nuk ka qenë prezentë, as kur është ngritur tarifa e lartë me 85 përqind e as tarifa e ulët me 104 përqind. Pra, ata e kanë vënë në konsultim publik për të gjitha palët e interesit një dokument tjetër, mirëpo kanë marrë një vendim komplet diçka tjetër”, tha Bajrami në Tëvë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat