Sipas rezultateve preliminare, Shaip Kamberi nuk do të jetë deputet në Parlamentin e Serbisë. Sipas vetë Kamberit, për 13 vota nuk ka arritur ta fitojë mandatin.
Si duket Shaip Kamberi nuk do të jetë pjesë e parlamentit të Serbisë edhe për një mandate tjetër.
Në lidhje me këtë temë ka reaguar profesori universitar, Enver Bytyçi.
Sipas profesorit Kamberi nuk u zgjodh sepse intrigat e përbashkëta të Rmës dhe Vuçiqit arritën ta lënë jashtë sallës të parlamentit.
Bytyçi thekson që ky largime sepse Vuçiqi nuk e duronte dot Kamberin teksat fliste shqip për të mbrojtur interesat e shqiptarëve të Luginës së Preshevës, përcjell “Bota sot”.
Por Vuçiq i vetëm nuk mund ta ndalonte zgjedhjen e Shaip Kamberit si deputet në parlamentin e Serbisë, ndaj kërkoi ndihmën e Edi Ramës, shtoi tutje profesori.
Postimi i plotë
Shaip Kamberi nuk u zgjodh deputet i Kuvendit të Serbisë për 13 vota. Tri herë u bënë votime dhe të tri herët funksionoi perfekt kurthi dhe intriga e përbashkët Rama-Vuçiq për ta lënë zotin Kamberi jashtë sallës së parlamentit. Vetëm 13 vota duheshin! Por mjeshtrat e mashtrimit dhe djallëzisë i bëjnë llogaritë më mirë. Llogaritën me preçizion eleminimin e tij!
Pse duhej eleminuar Shaip Kamberi? Sepse nuk e duronte dot Aleksandër Vuçiq, kur ai fliste shqip në mbrojtje të interesave të shqiptarëve të Luginës së Preshevës! E kishte bezdi presidenti i Serbisë të dëgjonte nga goja e një deputeti në parlamentin serb, qoftë ky edhe shqiptar, kur Kamberi i kërkonte njohjen e Kosovës! Nuk kishte dëshirë Vuçiq që një zë i vendosur i shqiptarisë të përfaqësonte interesat e shqiptarëve! Ai zbatoi formulën "Më mirë djepi bosh së djalli në djep"! Djalli për të ishte Shaip Kamberi!
Por Vuçiq i vetëm nuk mund ta ndalonte zgjedhjen e Shaip Kamberit si deputet në parlamentin e Serbisë. Ndaj kërkoi ndihmën e Edi Ramës. Ky i fundit nxiti përçarjen e faktorit politik në Luginë! Pra, moskandidimin me siglën e të gjitha subjekteve të Luginës. Kandiduan ata që e kishin të sigurt humbjen, vetëm që Shaip Kamberi të mbetej jahstë parlamentit!
Rama bëri në Luginë atë që ka bërë prej dhjetë vitesh në Kosovë e në Maqedoninë e Veriut, po ashtu te shqiptarët në Mal të Zi! Kur të kuptojnë politikanët shqiptarë se kryeministri i Shqipërisë është shkaku i fatkeqësive tona, do të jetë vonë! Atëherë edhe nëse i bien kokës me grushta, nuk do të ketë vlerë! Sepse Shaip Kamberë të tjerë të panumërt do të jenë viktimat e radhës! Anti-shqiptarët do të kenë fituar në përballjen me shqiptarët patriotë! Fatkeqësi!
