Haziri: Kurti ia çoi Mustafës njerëzit me ia kallë shtëpinë, tash e kuptoi që marrëveshja për energjinë s’e dëmton Kosovën

Aktuale

Haziri: Kurti ia çoi Mustafës njerëzit me ia kallë shtëpinë, tash e kuptoi që marrëveshja për energjinë s’e dëmton Kosovën

Më: 23 qershor 2022 Në ora: 09:01
Lutfi Haziri

Nënkryetari i LDK-së, Lutfi Haziri e ka kritikuar kryeministrin Albin Kurti për qasjen e tij të mëhershme në lidhje me marrëveshjen me Serbinë për energjinë elektrike në veri të vendit.

Sipas Hazirit, Kurti ka bërë mirë që e ka nënshkruan marrëveshjen, por tha se janë humbur shtatë vite kohë për marrëveshjen e njëjtë.

“Na po flasim për rol të Serbisë në organizimin shtetëror të Kosovës, dhe po flasim për qëndrimin dhe ndryshimin e Kurtit, për një kundërshtues i cili Isa Mustafës ia ka dirigjuar kundërshtuesit me shku me ia kallë shtëpinë me njerëz brenda, në një njeri i cili e ka nënshkru marrëveshjen, dha ka bërë mirë qe e ka nënshkru, por tani a ka Kosova komoditet për ti humbë shtatë vjet”, tha ai.

“Këta i kanë marrë marrëveshjet e kaluara dhe tuj dashtë me i bo revizion dhe ndryshim e kanë pa që përkundër takimeve të shpeshta negocimi ka qenë në interes të Kosovës, nuk është dëmtu interesi i Kosovës, eshtë bërë interes i palëve ku është bërë kompromisi, por nuk është dëmtuar interesi i Kosovës”, tha Haziri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat