Presidentja Vjosa Osmani para nisjes së samitit BE-Ballkani Perëndimor ka biseduar me kryeministrin holandez Mark Rutte, vendi i të cilit është akoma skeptik sa i përket heqjes së vizave për Kosovën.
Përveç samitit me Ballkanin Perëndimor, Këshilli i BE-së, mblidhet sot dhe nesër për të diskutuar çështje të ndryshme.
Ky takim është shpresëdhënës që vizat të jenë temë diskutimi edhe pse zyrtarisht nuk janë në agjendë.
Në pamjet e shfaqura nga Këshilli i BE-së, shefja e shtetit është parë duke biseduar edhe me kancelarin Scholz dhe presidenten e Komisionit Evropian, Von der Leyen.
