Kryeministri Albin Kurti mori sonte pjesë në mbrëmjen e organizuar nga Ambasada e Luksemburgut në Prishtinë, me rastin e shënimit të Ditës kombëtare së këtij vendi mik të Kosovës.
Kurti me këtë rast shprehu mirënjohjen e thellë për ndihmën dhe mbështetjen e ofruar nga Luksemburgu.
“Luksemburgu ishte gjithashtu një nga të parët që mbështeti pavarësinë e shtetit tonë. Dhe gjatë këtyre dekadave, u kthye në partnerin dhe mikun tonë afatgjatë, tha Kurti.
Kurti ritheksoi vullnetin e qeverisë për të forcuar më tej lidhjet dhe për të vazhduar bashkëpunimin e frytshëm me Luksemburgun.
“Ne po punojmë për të mbajtur të forta lidhjet tona dhe për të forcuar marrëdhëniet midis dy vendeve e popujve tanë”, tha ai.