Kurti kompanive amerikane: Kosova ofron një mundësi të artë për investime të reja

Aktuale

Kurti kompanive amerikane: Kosova ofron një mundësi të artë për investime të reja

Më: 24 qershor 2022 Në ora: 20:37
Albin Kurti

Kryeministri Albin Kurti zhvilloi takim virtual me Joshua Bolten, Kryeshef Ekzekutiv i Business Roundtable që është shoqata që përfaqëson kryeshefat ekzekutivë (CEO) të kompanive kryesore të ShBA-së.

Zhvillimi ekonomik dhe përparimi demokratik u veçuan nga Kurti si arsye pse Kosova ofron një mundësi të artë për investime të reja.

Kurti tha se me popullatën e re dhe profesionale që ka Kosova, shtrirjen më të gjerë të internetit në Evropë, potencialin e dëshmuar në fushën e teknologjisë së informacionit dhe me qeverinë që mbështet këtë sektor, Kosova synon që të bëhet qendra e radhës e kësaj fushe në Evropën Juglindore.

Në takimin e përbashkët me shefin e stafit të kryeministrit, Luan Dalipi, u diskutuan mundësitë që Business Roundtable të jetë urë lidhëse ndërmjet Qeverisë së Kosovës dhe ndërmarrjeve amerikane.

U bë ftesë që ndërmarrjet amerikane ta konsiderojnë Kosovën në strategjinë e tyre të zgjerimit dhe planet e tyre për kontraktim të shërbimeve nga jashtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat