Ish-ambasadori paralajmëron rreziqet nga raporti Rama-Vuçiq: Kosova dhe shqiptarët mund ta paguajnë shtrenjtë faturën!

Aktuale

Ish-ambasadori paralajmëron rreziqet nga raporti Rama-Vuçiq: Kosova dhe shqiptarët mund ta paguajnë shtrenjtë faturën!

Nga: M.H. Më: 25 qershor 2022 Në ora: 18:26
Aleksandër Vuçiq dhe Edi Rama

Ditë më parë është mbajtur Samiti i BE-së, në Bruksel.

Kryeministri Edi Rama ka qenë pjesë e këtij Samiti, duke shtruar shumë tema të rëndësishme për shqiptarët.

Ai vuri në dukje se Shqipëria dhe vendet e tjera të Ballkanit kanë pasur statusin e kandidatit prej vitesh, Maqedonia e Veriut që nga viti 2005 dhe Shqipëria që nga viti 2014.

Rama dhe krerët e pesë vendeve të tjera të Ballkanit që kërkojnë anëtarësimin në BE - Bosnja, Kosova, Mali i Zi, Maqedonia e Veriut dhe Serbia - u takuan në samit në Bruksel, me krerët e BE-së për katër orë përpara njoftimit për dhënien e statusit të kandidatit për Ukrainën dhe Moldavinë.

Ndërsa menjëhere pas përfundimit të Samitit është publikuar fjalimi I plotë I kryeministrit Rama.

E për këtë ka reaguar ish-ambasadori I Shqipërisë në Kosovë, Islam Lauka.

Ai u shpreh se fjalimi i plotë i kryeministrit Rama në Bruksel ishte pjesa ku u përmend liberalizimi i vizave për Kosovën, gjë që duhet vlerësuar, përcjell “Bota sot”.

Mirëpo atë se çfarë vë në pah Lauka është edhe plotë 4 paragrafe kushtuar Serbisë, gjë që dëshmoi se ai po kërkon nga BE të mos i bëjnë presion për sanksione Rusisë.

Para pak ditesh, Rama u shfaq me plisin shqiptar në Drenicë dhe me poza patriotike në Prishtinë ndërsa në Bruksel, kameleoni ynë u shfaq me oglavja-n serbe dhe me poza prosllave e proputiniste, shtoi Lauka tutje.

Postimi i plotë

Sot u botua në shtyp fjalimi i plotë i KM Rama, i mbajtur pardje në Samitin e BE-së, në Bruksel.

Veç të tjerash, në të kishte një paragraf për Kosovën, ku me plotë të drejtë, i kërkohet Bashkimit Europian që t'i hapë rrugë liberalizimit të shumëpritur të vizave për qytetarët e Kosovës.

Dhe bëri shumë mirë që e ringriti këtë çështje në Bruksel.

Por më poshtë, kishte jo një, por plotë 4 paragrafe, kushtuar Serbisë. Pasi vë në dukje rolin qendrorë të Serbisë në Ballkan dhe përkushtimin e saj në projektin europian ( teza të propagandës së Vuçiçit), Rama me mendjelehtësinë tipike të tij, iu kërkon udhëheqesëve të BE-së, pikërisht atë që dëshiron Moska- të mos i bëjnë presion Beogradit për vendosjen e sanksioneve ndaj Rusisë.

Para pak ditësh, Rama u shfaq me plisin shqiptar në Drenicë dhe me poza patriotike në Prishtinë. Në Bruksel, kameleoni ynë u shfaq me oglavja-n serbe dhe me poza prosllave e proputiniste. Duket se edhe paragrafi i vetëm për Kosovën  u fut në fjalimin e tij për të shitur katër të tjerët për Serbinë.

Kizingeri ka shkruar se mendjelehtësia e poltikanëve është një luks për të cilin paguhet shtrenjtë. Problemi është se faturat i shkojnë jo Ramës, por Kosovës dhe kombit shqiptar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat