Përfundon bastisja e Policisë në Gorazhdevc të Pejës

Aktuale

Përfundon bastisja e Policisë në Gorazhdevc të Pejës

Më: 27 qershor 2022 Në ora: 22:50
Përfundon bastisja e Policisë në Gorazhdevc të Pejës

Specialët e Policisë së  Kosovës kanë mbyllur bastisjen në Gorazhdevc, aksion që erdhi pas arrestimit të Milorad Gjokoviqit.

Gjokoviq u prangos pas kontrollit dhe bastisjes së Autoritetit të Përkohshëm në Pejë, i cili ndodhet në Gorazhdevc, nën dyshimin për krime lufte të kryera në rajonin e Pejës, gjatë vitit 1999.

Me këtë rast, një numër i banorëve u mblodhën në qendër të Gorazhdevcit.

Për këtë ngjarje ka folur edhe kryetari i Autoritetit të Përkohshëm të Komunës së Pejës, Millosh Dimitrijeviq, në prononcim për ‘Radio Gorazhdevcin’.

Bëhet e ditur se gjatë aksionit një qytetar serb i alkoolizuar ka tentuar të pengojë policinë në kryerje të detyrës, dhe i njejti është gjobitur me 300 euro dhe i është hequr patenta për 9 muaj.

Policia e Kosovës nuk ka dashur të komentojë këtë rast, por vetëm ka deklaruar se ai ishte në gjendje të alkoolizuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat