Ish-ambasadori holandez me fjalë të mëdha për presidenten: Nëse ndodh liberalizimi i vizave, meritore për këtë është Vjosa Osmani

Aktuale

Ish-ambasadori holandez me fjalë të mëdha për presidenten: Nëse ndodh liberalizimi i vizave, meritore për këtë është Vjosa Osmani

Më: 28 qershor 2022 Në ora: 18:10
Vjosa Osmani

Ish-ambasador i Holandës në Kosovë, Robert Bosch në një intervistë tha se qeveria e Kosovës e ka me seriozitet luftën kundër korrupsionit.

Ai u shpreh se pavarësisht kësaj, duhet të jeni të hapur për kompromise.

“Gjërat duken njëjtë përveq në aspektin politik që keni një qeveri të re dhe gjëja e mirë e kësaj është se kjo qeveri e ka me seriozitet luftën kundër korrupsionit, por, nganjeherë pavarësisht kësaj mendoj se duhet të jeni më të hapur për të bërë kompromise për gjëra që edhe nuk i doni, kështu është jeta”, tha ai.

Ish-ambasador Bosch tha se nëse ndodh liberalizimi i vizave, meritore për këtë është presidentja Vjosa Osmani.

“E di se çfarë doni të thoni se nëse iu liberalizohen vizat meritat i merr ai, e po zyrtarisht kjo është përparsia e të qenit kryeministër, por mendoj se nëse dikush duhet të jetë meritore për këtë është Vjosa Osmani. Ajo ka bërë një punë të mrekullueshme”, u shpreh tutje ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat