Sheholli: Serbët e Kosovës pas deklaratave të Vuçiqit, më pyetën “A kërsiti lufta?”

Aktuale

Sheholli: Serbët e Kosovës pas deklaratave të Vuçiqit, më pyetën “A kërsiti lufta?”

Më: 30 qershor 2022 Në ora: 00:24
Fatmir Sheholli

Drejtori i Institutit për Afirmimin e Marrëdhënieve Ndëretnike, Fatmir Sheholli, ka thënë se pas konferencës së sotme që kishte dhënë për media presidenti i Serbisë, Aleksandar Vuçiq, ai kishte marrë mesazhe nga serbët e Kosovës se ishin të frikësuar për ndonjë luftë potenciale, për shkak të qasjes së Vuçiq.

“Serbë kosovarë që jetojnë në Graçanicë, Kllokot, Ranillukë, Shtërpcë, të cilët e kanë parë këtë vokabularin e presidentit të Serbisë, Aleksandar Vuçiq, në këtë formë më kanë shkruar dhe më thanë se ‘Të lutem, a kërsiti lufta?'”.

“Unë me atë që u mundova me u thënë, u thash se s’ka luftë, sepse Vuçiq kështu ka folur gjithë, do të thotë është një aktrim i tij, por ç’të bëjmë, nuk duhen të frikësohen sepse janë në një shtet demokratik dhe nuk do të ketë probleme të natyrave që i ka shprehur Vuçiq sot”,ka thënë Sheholli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat