Abdixhiku për Kurtin: Ka diskrepancë në njohjen e krizës

Aktuale

Abdixhiku për Kurtin: Ka diskrepancë në njohjen e krizës

Më: 30 qershor 2022 Në ora: 21:23
Lumir Abdixhiku

Kryetari i LDK-së, Lumir Abdixhiku, ka kritikuar Qeverinë Kurti, për të cilën tha se po e refuzojnë njohjen e krizës ekonomike.

I pari i LDK-së, u shpreh se për propozimet e tyre për reduktim të akcizës në naftë dhe produkte të tjera bazike, po hasin në rezistencë të pakuptueshme.

”Për ne nafta është lëndë e parë, dhe është lëndë e parë e 140 produkteve në Kosovë që konsumohen rregullisht e vazhdimisht. Çdo shtrenjtim në naftë përkthehet në shtrenjtimin e qindra produkteve në Kosovë”, tha Abdixhiku.

Për kreun e LDK-së, Qeveria ka mungesë bazike të njohjës.

“Është njëfar narcizoizmi politik në veten. Kur thua që ju po paguani tatime më me qejf tani sepse jam unë këtu, e nuk e kupton se ka inflacion, e për shkak të rritjes së çmimeve qytetarët duhet të paguajnë tatime më shumë, pra ti ke diskrepancë në njohjen e gjendjes”, tha Abdixhiku.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat