​Më 7 korrik seanca e re plenare

Aktuale

​Më 7 korrik seanca e re plenare

Më: 1 korrik 2022 Në ora: 14:22
Foto ilustrim

Kryesia e Kuvendit të Kosovës ka vendosur që seanca e radhës të mbahet të enjten më 7 korrik.

Kështu ka thënë shefi i deputetëve të Partisë Demokratike të Kosovës, Abelard Tahiri i cili ka kërkuar nga shumica që projektligji për deklarimin e pasurisë të kthehet komision dhe të largohet kategoria e mjekëve dhe profesorëve.

“I kërkoj edhe njëherë mazhorancës ta rikthejë në rishqyrtim çështjen e deklarimit të pasurisë. I kërkojmë të reflektojë, ta kthejë projektligjin në komision, t’i largojmë këto kategori”, ka thënë Tahiri pas mbledhjes së kryesisë.

Tahiri i ka quajtur skandaloze deklaratat e ministrit të Financave, Hekuran Murati për veteranët.

“Skandaloze, dhe heshtja e kryeministrit karshi këtyre deklaratave është e papranueshme”, ka thënë ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat