Dukolli paralajmëron veprime demokratike nëse nuk shkarkohet ministri Murati

Aktuale

Dukolli paralajmëron veprime demokratike nëse nuk shkarkohet ministri Murati

Më: 1 korrik 2022 Në ora: 15:06
Çerkin Dukolli

Çerkin Dukolli nga Nisma Socialdemokrate ka kërkuar dorëheqjen e ministrit të Financave Hekuran Muratit.

Dukolli tha se me e fy një kategori që e ka sjell lirinë e vendit është e pakoment, teksa u ka bërë thirrje deputetëve që të bojkotojnë seancat deri në momentin e shkarkimit të ministrit Murati.

“Me fy një kategori që ta ka sjell lirin është e pakoment. Ne kemi me ngrit zërin vazhdimisht dhe ajo çka për momentin po flasim që dorëheqja e Muratit duhet të vijë. Nëse nuk ndodh kryeministri Kurti duhet ta shkarkojë Muratin. Këtu është kërkesa jonë. I bëjmë thirrje partive parlamentare brenda Kuvendit që të bojkotojnë çdo seancë deri në momentin e largimit të ministrit Murati”, ka thënë Dukolli.

Dukolli thotë se nëse kryeministri Albin Kurti nuk e shkarkon ministrin Murati do të përdorin çdo mjet juridik dhe demokratik për ta larguar ministrin Murati.

“Nëse nuk e shkarkon do të përdorim çdo mjet juridik me kundërshtu këtë pjesë. Do të përdorim mjetet juridike, demokratike me deklarata, me debate, me komunikim me publikun”, deklaroi ai.

Ministri i Financave dhe Transfereve, Hekuran Murati po kritikohet për një status, ku në vitin 2016 në Facebook i kishte quajtur ushtarët e UÇK-së mercenarë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat