​Policia shkatërroi një ka laborator me drogë në Leposaviç, reagon Sveçla

Aktuale

​Policia shkatërroi një ka laborator me drogë në Leposaviç, reagon Sveçla

Më: 1 korrik 2022 Në ora: 18:29
Vlera e pajisjeve të konfiskuara është rreth 250.000 euro

Ministri i Punëve të Brendshme, Xhelal Sveçla ka njoftuar se Policia e Kosovës sot ka shkatërruar një laborator në Leshak të Leposaviçit, të gatshëm të fillojë përpunimin e substancave narkotike.

Sveçla ka shkruar në Facebook se çdo ditë e më shumë po e kuptojnë pse qarqe të caktuara nuk dëshirojnë shtrirjen e sundimit të ligjit dhe rendit në tërë Republikën e Kosovës.

Sipas tij, laboratori i shkatërruar në Leshak të Leposaviçit ka pasur të montuara dhe të gatshme për përdorim të gjitha pajisjet e përpunimit të substancave narkotike.

“Vlera e pajisjeve të konfiskuara është rreth 250.000 euro. Përgëzoj njësitet e Policisë së Kosovës dhe padyshim nuk do të ndalemi së zbatuari misionin tonë të përbashkët”, ka shkruar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat