Rexhaj thotë se Vetëvendosja nuk e pranon “Zajednicën” edhe nëse është në opozitë

Aktuale

Rexhaj thotë se Vetëvendosja nuk e pranon “Zajednicën” edhe nëse është në opozitë

Më: 5 dhjetor 2022 Në ora: 23:53
Arbër Rexhaj, deputet i Lëvizjes Vetëvendosje

Arbër Rexhaj, deputet i Lëvizjes Vetëvendosje, ka thënë se “Zajednica nuk kalon”.

Ai në DPT te Fidani të T7, ka thënë se edhe po të jenë në opozitë Asociacioni i Komunave me Shumicë Serbe nuk do të lejohet.

“E kemi mbështetjen popullore dhe nuk do ta lejojmë Zajednicën“, ka deklaruar ai.

Ai po ashtu ka thënë se Serbia është e interesuar për ngecjen e dialogut në mënyrë që Kosova të jetë jofunksionale.

Po ashtu deputeti i VV-së ka qenë i prerë se asociacion një etnik nuk mund të ketë.

Tutje, ka thënë se në rast se Lista Serbia e pranon kthimin në institucione me kushtëzim për shkarkimin e Nenad Rashiqit nga pozita e ministrit – atëherë kjo kërkesë nuk do të zbatohet.

Ka thënë se Kurti e ka vendosur rrugën e tij për të bashkëpunuar me serbët që e pranojnë Republikën e Kosovës. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat