Deputeti shqiptar në Kuvendin e Serbisë, Shaip Kamberi, gjatë ditës së sotme i ka dërguar një letër të dërguarit të posaçëm të SHBA-së për Ballkanin Perëndimor, Gabriel Escobar.
Kamberi ka kërkuar përfshirjen e përfaqësuesve të komunitetit shqiptar në Luginën e Preshevës në takimet e radhës të dialogut për normalizim ndërmjet Kosovës dhe Serbisë.
Po ashtu, deputeti shqiptar ka njoftuar se një letër me përmbajtje të njëjtë, do t’ia përcjell dhe Josep Borrell, Përfaqësues i Lartë i Bashkimit Evropian për Punët e Jashtme dhe Politikën e Sigurisë.
Ai gjithashtu letrën do t'ia nis edhe Ursula von der Leyen, Presidente e Komisionit Evropian.
