Kreu i Lidhjes Demokratike të Kosovës, Lumir Abdixhiku është takuar me ndërmjetësuesin e BE-së në dialogun Kosovë - Serbi, Miroslav Lajçak, ku ka thënë se e përkrahin procesin e dialogut, me ndërmjetësimin e BE-së dhe me përfshirjen e drejtpërdrejtë të ShBA-ve.
Rreth kësaj ka reaguar analisti Xhevdet Pozhari.
Pozhari përmes një postimi në Facebook, ka kujtuar seancën e Kuvendit të Kosovës që është mbajtur në orët e vona të natës, dhe sipas Pozharit LDK kishte bërë zhurmë për dialog.
“LDK takohet me Lajçakun, i jep përkrahje për dialogun. Besoj po ju kujtohet seanca e gjysmës së natës sa zhurmën e patën bë! Kaq sa i përket konsistencës.” – ka shkruar Pozhari.
