Dështojnë seancat, profesori: Kurti nuk thyhet, sepse është i pakorruptuar

Aktuale

Dështojnë seancat, profesori: Kurti nuk thyhet, sepse është i pakorruptuar

Nga: A.SH Më: 30 prill 2025 Në ora: 14:40
Albin Kurti

Pas dështimit të radhës të seancës parlamentare, Profesori Binak Maxharraj ka thënë se për këtë është fajtore opozita, e cila bënë përpjekje të qëllimshme për ta penguar.

Sipas tij, Kurti mbetet figura e vetme e pakorruptuar që punon për shtetin, jo për pushtetin. Ai shihet si i palëkundur në qëndrime dhe me përkrahje të gjerë popullore, prandaj edhe një mandat i ri si kryeministër konsiderohet i natyrshëm dhe i padiskutueshëm.

Postimi i plotë:

ME KURTIN SËRISH PËR KRYEMINISTËR

(Sepse siç thuhet e do vendi dhe Kuvendi)

Dështoi edhe seanca e tetë e Parlamentit. Nuk është për t’u çuditur sepse kjo është vepër e opozitës së mjerë dhe proserbe, e planifikuar me vite për të thyer Albin Kurtin.

Por Kurti nuk thyhet, sepse është i pakorruptuar, punon për ndërtimin e shtetit e jo për pushtet, nuk e vjedh dhe plaçkit shtetin siç vepruan paraardhësit e tij.

Vetëm me Kurtin vendi mund të përparojë. Është njeri stabil, i palëkundur në qëndrime kur është në pyetje shteti.

Mu për këtë, Kurti e gëzon edhe përkrahjen e popullit.

Zgjedhja e tij për kryeministër edhe për një mandat nuk duhet të kontestohet nga askush, sepse Kurti punon për të gjithë pa dallim partish.

comment Për komente lëvizni më poshtë
Sot mund të lexoni Shfletoni kopertinat