Cakolli: Protesta e 7 gushtit është e domosdoshme

Aktuale

Cakolli: Protesta e 7 gushtit është e domosdoshme

Më: 30 korrik 2025 Në ora: 21:12
Eugen Cakolli

Eugen Cakolli, nga Instituti Demokratik i Kosovës, ngriti shqetësime serioze për legjitimitetin moral dhe politik të një procesi gjyqësor në Dhomat e Specializuara që mbështetet mbi dokumentacion nga shteti që kreu spastrim etnik ndaj popullit të Kosovës.

Duke kujtuar faktin se në bankën e të akuzuarve janë figura kyçe të luftës çlirimtare, Cakolli ka vlerësuar se proceset e tilla përbëjnë përpjekje për të rishkruar historinë e Kosovës dhe për të cenuar dinjitetin kolektiv të saj.

Postimi i plotë:

Nuk mund të gjykohet askush “në emër të popullit të Kosovës”, kur provat e pranuara në proces gjyqësor vijnë pikërisht nga ai aparat që planifikoi dhe ekzekutoi spastrimin etnik kundër po këtij populli.

Për më keq, kur në bankën e të akuzuarve janë ata që udhëhoqën çlirimin e Kosovës, duke e larguar përgjithmonë Serbinë nga kjo tokë.

Prandaj, protesta e 7 gushtit është e domosdoshme.

Jo kundër drejtësisë, por kundër padrejtësive në emër të saj. Mbi të gjitha, për të mbrojtur dinjitetin tonë kolektiv, duke mos heshtur përballë përpjekjeve për rishkrim të historisë.

comment Për komente lëvizni më poshtë
Sot mund të lexoni Shfletoni kopertinat