Kandidati i Lëvizjes Vetëvendosje për kryetar të Mitrovicës, Faton Peci u ka uruar fitore kombëtares së Kosovës në ndeshjen e sotme e cila do të zhvillohet me Slloveninë.
Peci nga stadiumi olimpik “Adem Jashari” ka deklaruar se Mitrovica do të jetë destinacioni kryesor i kombëtares në futboll nga viti i ardhshëm 2026.
“Me Hajren, që ia ka pa hajrin krejt Kosova në sport e kulturë. Nga Stadiumi Olimpik “Adem Jashari”, i urojmë fat e fitore Kosovës në përballjen e sotme me Slloveninë.
Mitrovica do jetë destinacioni kryesor i kombëtares në futboll nga viti i ardhshëm. Me fusha ndihmëse funksionale, çdo klub sportiv do ketë mbështetjen që meriton dhe çdo problematikë e tyre do adresohet.Tash e tutje, nuk do të ketë pengesa në bashkëpunimin komunë–qeveri. E dua futbollin, Mitrovicën e krejt Kosovën. Goooooool!”, ka shkruar Peci në Facebook.
