Qeveria e Kosovës ka shprehur mirënjohje për mijëra qytetarët që morën pjesë në “Marshin për Liri”, duke vlerësuar sjelljen e tyre paqësore, paraqitjen dinjitoze dhe qëndrimet e shprehura gjatë organizimit.
Në njoftim, Qeveria ka vlerësuar edhe bashkëpunimin e organizatorëve dhe pjesëmarrësve me organet e rendit dhe sigurisë, duke thënë se kjo kontribuoi në mbarëvajtjen e qetë dhe të sigurt të marshit.
“Po ashtu, shprehim mirënjohje edhe për mijëra qytetarë pjesëmarrës, për sjelljen paqësore, paraqitjen dinjitoze dhe qëndrimet e qarta të shprehura gjatë këtij organizimi.
Marshi u zhvillua me kërkesën për lirimin e katër drejtuesve të Ushtrisë Çlirimtare të Kosovës, paraburgimi i të cilëve në Dhomat e Specializuara në Hagë ka hyrë në muajin e 70-të.
Qeveria vlerëson në veçanti bashkëpunimin e treguar nga organizatorët dhe pjesëmarrësit me organet e rendit dhe të sigurisë të Republikës së Kosovës, i cili kontribuoi në mbarëvajtjen e qetë dhe të sigurt të marshit”, thuhet në njoftimin e tyre.