Ylli triumfon me rezultat të ngushtë në Prizren

Basketboll

Ylli triumfon me rezultat të ngushtë në Prizren

Nga: K.Goca Më: 17 janar 2021 Në ora: 18:40
Ylli triumfon me rezultat të ngushtë në Prizren

Golden Eagle Ylli ngadhënjeu me rezultat të ngushtë 99:95 (26:24, 28:29, 26:23, 19:19) ndaj Ponte Prizrenit, në takimin që u zhvillua në palestrën e sportit në Prizren. 

Ndeshje e fortë mes ekipit të Ponte Prizrenit dhe Golden Eagle Yllit. 

Të katërt çerekët u karakterizuan me lojë të mirë e me rivalitet, por therandasit ia dolën që të triumfojnë në saje të fatit sportiv. 

Basketbollisti Erjon Kastrati ishte më efikasi me 24 pikë në radhët e Yllit, i ndihmuar nga Mitchell Wilbekin me 21 e Elyjah Clark 19 sosh.

Jeremiah Paige realizon 29 pikë, Arti Hajdari 20 dhe Divine Myles 20, lojtarë që shënuan më së shumti pikë të Ponte Prizreni.

Pas javës së 15-të në Superligën e Kosovës, Ponte Prizreni renditet në vend të tretë me 25 pikë dhe Ylli është një pozitë me poshtë, ka 24 sosh.

Shfaq komentet
comments powered by Disqus
Sot mund të lexoni Shfletoni kopertinat