Prishtina mund Vllazninë, kundër Yllit në finale

Basketboll

Prishtina mund Vllazninë, kundër Yllit në finale

Më: 16 tetor 2021 Në ora: 22:31
Prishtina mund Vllazninë, kundër Yllit në finale

Sigal Prishtina është kualifikuar në finale të Superkupës Mbarëkombëtare, duke e mundur Vllazninë në Shkodër me rezultat 72:80 (26:16, 17:23, 15:21, 14:20).

Hapjen solemne të ndeshjes e bëri kryeministri i Kosovës, Albin Kurti, ndërsa kishte një numër të madh të mysafirëve, kurse palestra në Shkodër, ishte gati e mbushur me tifozë.

Ndeshjen më mirë e nisi skuadra e Vllaznisë, duke qenë në epërsi konstante, ku më e larta ishte dhjetë pikë, derisa çereku i parë përfundon me shifrat 26:16. Periudha e dytë ishte më e barabartë, ndërsa shkodranët ngritën epërsi deri në 12 pikë, 36:24, por më pas rikthehen prishtinasit, duke afruar shifrat në 39:37, kurse pjesa e parë përfundon me rezultat 43:39.

Periodën e tretë, duke shkrirë epërsinë e vendasve dhe duke pasur deri në shtatë pikë epërsi, 53:60, por pesë pikë nga vendasit bënë që rezultati në semafor pas 30 minutash të tregonte shifrat 58:60.

Bardhekaltrit vazhduan me lojë të mirë edhe në çerekun e fundit, duke qenë vazhdimisht në epërsi dhe në fund triumfuan me shifrat 72:80.

Sigal Prishtina në finale do të përballet me Golden Eagle Yllin. Takimi final zhvillohet të dielën nga ora 19:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat