Kryetari i Federatës së Basketbollit të Kosovës (FBK), Arben Fetahu, Nënkryetarja e FBK-së, Linda Shala dhe Sekretarja e Përgjithshme e FBK-së, Elvira Dushku kanë marrë pjesë në Asamblenë e Përgjithshme të Komitetit Olimpik të Kosovës (KOK) si delegatë.
Po ashtu ka marrë pjesë edhe Leart Hoxha, anëtar i Bordit të FBK-së në cilësinë e Kryetarit të Këshillit Mbikëqyrës të KOK-ut, ku paraqiti para delegatëve Raportin e këtij Këshilli për vitin 2021 të KOK-ut.
Të pranishëm në Asamble ishin 101 delegatë nga 112 sosh, numër që më pas u reduktua në 77, pasi disa delegatë lëshuan sallën.
Asamblistët unanimisht aprovuan rendin e ditës, procesverbalin e Asamblesë së Punës 2020 dhe Asamblesë Zgjedhore, raportin e punës 2021, raportin financiar 2021, raportin e auditimit 2021, raportin e këshillit mbikëqyrës, planin e veprimit 2022 dhe planin financiar 2022.
