Vllaznia-Teuta, sot luhet finalja e dytë

Basketboll

Vllaznia-Teuta, sot luhet finalja e dytë

Më: 18 maj 2022 Në ora: 11:12
Vllaznia-Teuta, sot luhet finalja e dytë

Superliga e basketbollit të meshkujve do të zhvillojë sot finalen e dytë të kampionatit, një ndeshje shumë e rëndësishme për fatet e sezonit 2021-2022.

Në orën 19:00 në pallatin e sportit “Qazim Dervishi” do të zbresin në parket Vllaznia vendëse dhe Teuta. Sfida e parë e luajtur në Durrës u dominua nga bregdetarët e Melzin Lazimit, të cilët triumfuan bindshëm me rezultatin 86-68.

Megjithatë, kuqeblutë në këtë takim mund të mbështeten tek publiku i zjarrtë shkodran. Për këtë sfidë, Vllaznia u ka bërë thirrje me anë të një postimi në rrjetet sociale, duke kërkuar përkrahjen e tifozëve.

“Pas humbjes në Durrës ndeshja e nesërme (sotme) është më e rëndësishmja e sezonit, si dhe për të vazhduar serinë e finaleve ku duhen fituar 3 ndeshje. Mos mungo!”, shkruan Vllaznia në publikimin e bërë në faqen e saj.

Shkodranët siç dihet synojnë titullin e dhjetë kampion në historinë e klubit, trofe që në Shkodër mungon që prej 2016-ës. Ndërsa nga ana tjetër, Teuta, kampione në fuqi, është në kërkim të suksesit të katërt.

Kështu që, parashikohet një betejë e zjarrtë mes Vllaznisë dhe Teutës, skuadra që kanë nga disa lojtarë të huaj në përbërje. Siç dihet, ekipi që arrin numrin e tri fitoreve, kurorëzohet kampion i Shqipërisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat