Dramë në Nikosia, Kosova e pafat në përballjen me Maltën

Basketboll

Dramë në Nikosia, Kosova e pafat në përballjen me Maltën

Nga: Kemajl Goca Më: 28 qershor 2022 Në ora: 19:18
Pamje nga ndeshja

Kombëtarja e Kosovës pësoi humbje me rezultat 68:61 (17:12, 17:18, 15:13, 19:18, ) në përballje me Maltën, në takimin që u zhvillua në palestrën e sportit në Nikosia.

Kosova e fillon me humbjen në Grupin A të shteteve në zhvillim, ku në grup është edhe Andorra, Qipro dhe Norvegjia.

Ndeshje me rivalitet e rezultat të ngushtë përgjatë gjithës ndeshjes mes vashave të Kosovës dhe atyre të Maltës. 

Image

Në 20 minutat e parë u zhvillua lojë me rivalitet mes Kosovës dhe Maltës. Në minutën e 10-të, Malta avancoi me pesë pikë (12:17), ndërsa në fund të pjesë së parë rezultati ngushtohet në 30:34. 

Në çerekun e tretë, Kosova ishte në disavantazh me 6 pikë (43:49) në minutën e 30-të, por një seri e mirë (6:1) e vashave tona rezultati ngushtohet në 1 pikë 49:50 (në minutën e 33-të). 

Malta kundërpërgjigjet dhe rriti epërsinë. sërish në 5 pikë (49:54).

Image

Kosova

Në minutën e 37-të, rezultati 56:57, ndërsa basketbollistja Arbnore Perçuku realizon për dy pikë dhe për epërsinë 58:57 të Kosovës.

Tre minutat e fundit dramë në vete, herë njëra ekip dhe herë tjetra në epërsi. 

Image

Kosova

Disa gabime të vashave tona, Malta përfitoi dhe shton epërsinë në 6 pikë (60:66) në minutën e 39-të. Kosova e pafat, mposhtet në përballjen e parë.  

Kosova me gjithë humbjen, tregoi angazhim e lojë të mirë. Duhet theksuar se Norvegjia e ka mposhtur me rezultat 95:36 Andorrën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat