Fillon Liga e Parë me ndeshje mjaft interesante

Basketboll

Fillon Liga e Parë me ndeshje mjaft interesante

Më: 30 shtator 2022 Në ora: 23:18
Fillon Liga e Parë me ndeshje mjaft interesante

Të enjten dhe të premten është zhvilluar xhiroja e parë në Ligën e Parë te meshkujt me disa ndeshje mjaft interesante.

Drita ka shënuar fitoren e parë, duke mundur Prishtinën e Re me shifrat 89:77. Gjilanasit ishin më të mirë nga fillimi i ndeshjes, ku arritën fitoren e parë, pas një viti në këtë rang garash. Qëndrim Demi u dallua me 21 pikë e nëntë asistime.

Gjakova e Re debutoi me fitore në Ligën e Parë. Skuadra nga Gjakova shënoi fitore në udhëtim ndaj Happy Dukagjinit me rezultat 65:97. Shendrit Llapi ishte më i miri me 14 pikë e 20 kërcime.

Duel më interesant ishte mes New Basket dhe Marigona Hill Prishtinës, që përfundoi me fitoren e prizrenasve 105:101, ku fituesi u vendos në sekondat e fundit të përballjes. Cameron Soloman ishte më i mirë në parket me 39 pikë e nëntë kërcime.

Takim interesant ishte edhe ndërmjet Borea-s dhe Vushtrrisë, që u fitua nga mysafirët 85:90, ndërsa rezultati dy minuta nga fundit ishte 80:80. Te pejanët më i miri ishte Olsi Kurtaj me 31 pikë dhe 17 kërcime, kurse te vushtrriasit u dallua Deshan Wilson me 28 pikë e gjashtë kërcime.

Në ndeshjen e fundit të kësaj xhiro, Bora ka debutuar me fitore në Ligën e Parë, ku mundi Istogun me rezultat 58:93. Më i miri te skuadra prishtinase ishte Dion Haxhosaj me 32 pikë e 21 kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat