Golden Eagle Ylli ka vazhduar dominimin ndaj Sigal Prishtinës, duke e mposhtur edhe në përballjen e radhës me rezultat 92:79.
Skuadra nga Suhareka e kontrolloi ndeshjen që nga fillimi, duke krijuar epërsi të cilën arriti ta menaxhonte deri në fund, pavarësisht përpjekjeve të kryeqytetasve për rikthim gjatë pjesës së dytë.
Me këtë sukses, Ylli regjistroi fitoren e dytë ndaj Sigal Prishtinës këtë sezon, duke konfirmuar formën e mirë në përballjet me skuadrën kryeqytetase.
Lojtari më i dalluar i ndeshjes ishte Khalil Shabazz, i cili shkëlqeu me 32 pikë dhe nëntë asistime për skuadrën vendase.
Në anën tjetër, te Sigal Prishtina më efikasi ishte Bryson Dawkins, me 23 pikë dhe shtatë kërcime.