Në Linz të Austrisë u promovuan dy libra të mësuesit Izri Rexha

Diaspora

Në Linz të Austrisë u promovuan dy libra të mësuesit Izri Rexha

Nga: Ismet Sinani Më: 14 qershor 2022 Në ora: 23:36
Foto ilustrim nga vendi i ngjarjes

Në ambiente të përshtatshme për punë dhe në praninë e shumë dashamirëve të librit dhe të intelektualëve të Linzit u promovuan dy libra të mësuesit Izri Rexhës “Gjuha shqipe – dritë e diturisë 2” dhe “Mbi nostalgjinë e përhirtë” ( poezi).

Për librin e parë, mbi rëndësinë e tij, foli Ismet Sinani publicistë dhe mësues i gjuhës shqipe. Ai ndër të tjera potencoj se teksti në fjalë është shkruar me një kujdes të përkushtuar nga autori duke përzgjedhur dhe trajtuar tema si nga aspekti gramatikor, e po ashtu dhe nga aspekti letrar, të cilat përmbushin librin me njësi dhe tema mësimore që janë të përshtatshme dhe shkojnë në kontiutet të vazhdueshëm me moshën e nxënësve që në fakt edhe u dedikohet.

Për librin e dytë foli vet autori. Ai theksoi se poezitë janë hartuar kohë pas kohe dhe se trajtojnë tema të ndryshme. Autori, Izri Rexha, i përzgjodhi tri vjersha të cilat i lexoi vetë, ndërsa disa poezi të tjera me motive atdhedashurie u lexuan nga nxënësit, që ishin pjesët më freskuese dhe më romantike e gjithë këtij eventi kulturor . Për librat dhe vlerën e tyre diskutuan edhe disa nga të pranishmit: Antigona Elshani, mësuese dhe kryetare e shoqatës “Naim Frashëri”, profesor Milaim Zyrapi, veprimtari Xhevat Sylejmani njëri nga themeluesit të Shkollës Shqipe në Austri.

Të gjithë fplën fjalë miradie për librat e promovuar dhe shkollën shqipe që po zhvillohet tash e 29 vite, ndonëse herë-herë me sfida, po zhvillohet me plot sukses në qytetin Linz të Austrisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat