Policia në Angli ka arrestuar një shqiptar i cili u kap në një fermë kanabisi.
Mediat britanike shkruajnë se Dashamir Hazizaj, shkoi në qarkun e Durham për të punuar në një fermë kanabisi për të fituar para e më pas për t’ia dërguar partneres së tij shtatzënë jashtë vendit.
Oficerët gjetën 145 bimë në faza të ndryshme maturimi nga ambientet, të cilat ishin të pajisura me pajisje të sofistikuara ngrohjeje dhe ndriçimi për të ndihmuar rritjen.
Anthony Pettengell, procedues, tha se matësi i energjisë elektrike u zbulua se ishte anashkaluar, duke lejuar furnizimin falas me energji elektrike për të ndihmuar operacionin.
Dashmir Hazizaj shpresonte të fitonte 3,000 £ duke u kujdesur për fermën e kanabisit.
Para gjykatësve, i pandehuri 24-vjeçar pranoi se prodhonte një drogë të kontrolluar të klasit B.
