Këshilli për Marrëdhëniet Shqiptaro-Amerikane është thellësisht i pikëlluar nga lajmi i zjarrit shkatërrues në Koçan, i cili ka marrë jetën e 59 të rinjve dhe të rejave.
Nëpërmjet një deklarate, AARC i shpreh ngushëllime të përzemërta familjarëve të viktimave dhe popullit të Maqedonisë në këtë kohë tepër të vështirë.
“Mendimet dhe lutjet tona janë me ata që janë në pikëllim për humbjen e të dashurve të tyre dhe me të lënduarit, të cilëve u urojmë shërim të shpejtë dhe të plotë.
Në këtë kohë zie kombëtare, ne solidarizojmë me ju. Sot jemi të gjithë të bashkuar në pikëllim”, thuhet në reagimin e tyre.
Deri më tani 59 persona janë raportuar të vdekur dhe rreth 155 të tjerë kanë pësuar lëndime trupore pas zjarrit që shpërtheu brenda një klubi të natës në Koçan.
