Manchester United është duke synuar që të përforcohet sërish në vijën e mbrojtjes, teksa raportohet se ka shprehur interesim për Manuel Akanjin.
Gjiganti anglez thuhet se tashmë ka dërguar ofertën e parë drejt Borussia Dortmundit për reprezentuesin e Zvicrës.
Sipas “Sport Bild”, “Djajtë e Kuq” kanë ofruar 30 milionë euro për qendërmbrojtësin.
Man United gjithashtu besohet se 26-vjeçarit i kanë ofruar kontratë katër vjeçare, me pagë vjetore prej 15 milionë eurove.
Ndërkaq, Akanji së fundmi ka refuzuar ofertën e Dortmundit për rinovim të kontratës.
Kontrata aktuale e Manuel Akanjit me klubin gjerman skadon më 30 qershor të vitit të ardhshëm.
