Petar Petkoviç që drejton bisedimet në dialogun dhe zyrën e ashtuquajtur të Kosovës ka reaguar duke e quajtur gënjeshtër se në veri të Kosovës do ketë ndërprerje të furnizimit të ekonomive familjare me energji elektrike, ndonëse sipas tij “ është e qartë se këtë e dëshiron Jeremiç” , shkruan “Novosti” transmeton “Bota Sot”.
Këtë Petkoviç e tha në përgjigje të deklaratës së Partisë Popullore Vuk Jeremiç se “ Beogradi dorëzon sistemin elektro-energjetik në veri të Kosovës sistemit të përbashkët të Kosovës së vetëshpallur dhe Shqipërisë, ndërsa pushteti për këtë nuk flet asnjë fjalë edhe pse me këtë është bërë një hap i madh përpara i vërtetimit të pavarësisë së këtij etniteti”.
“Konstatimet lidhur me çështjen energjetike në veri të Kosovës, Jeremiç me këtë i jep alibi Prishtinës për presione shtesë ndaj serbëve” tha ai duke shtuar se “Për dallim nga koha kur drejtonin vendin Jeremiç, Tadiç, Gjorgjeviç, aktualisht asgjë nuk o dorëzohet Kosovës”.
Sipas Petkoviç “Serbia po bënë gjithçka të mbrohen interesat vitale të krahinës së vetë jugore. Për të satën herë me radhë, ai dhe shefat e tij për shkak të urisë së tyre për pushtet, duan që të fusin huti dhe trazira mes popullit serb në Kosovë, sfidën për ndarje të re dhe frikë“ tha ai.
