“Na thanë leni autobusët dhe dilni jashtë”, flet shoferi nga Stacioni i Autobusëve

Lajme

“Na thanë leni autobusët dhe dilni jashtë”, flet shoferi nga Stacioni i Autobusëve

Më: 23 dhjetor 2021 Në ora: 15:58
Pamje nga vendi i ngjarjes

Policia e Kosovës ka pranuar sot një telefonatë anonime përmes të cilës një person ka deklaruar se ka vendosur mjete shpërthyese në Stacionin e Autobusëve në Prishtinë.

Nga policia kanë treguar se me të marrë telefonatën kanë ndërmarrë të gjitha masat e sigurisë në atë zonë dhe kanë evakuuar qytetarët.

Ndërsa, shoferi i autobusit të linjës Ferizaj-Prishtinë, ka treguar për T7 se me tu kthyer në stacion, policia u ka kërkuar që t’i lënë autobusët dhe të dilnin jashtë.

Ai thotë se për këtë nuk u kanë dhënë asnjë arsye, por që ata e kanë kuptuar se është duke u dyshuar për mjete eksplozivë.

Për këtë, ai ka treguar se udhëtarët kanë qenë në panik.

“Jam shofer i linjës Ferizaj-Prishtinë. Kur u kthyem, policia na tha leni autobusët dhe dilni, pa na tregur arsyen. Mirëpo tash po e shohim se po dyshohet për mjete eksplozive. Udhëtaret i ka kap paniku, mu personalisht jo”, ka shtuar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat