Veljko Odalloviq: Në kohën e Thaçit, Haradinajt e Hotit e kemi bërë këtë gjë në Kosovë, ndërsa tani me Kurtin jo!

Lajme

Veljko Odalloviq: Në kohën e Thaçit, Haradinajt e Hotit e kemi bërë këtë gjë në Kosovë, ndërsa tani me Kurtin jo!

Më: 13 janar 2022 Në ora: 14:29
Veljko Odalloviq

Sekretari i Përgjithshëm i Kuvendit serb dhe ish funksionar i lartë në Kosovë në kohën e Sllobodan Millosheviqit, Veljko Odalloviq, ka deklaruar se Komisioni Republikan i Zgjedhjeve është i gatshëm të mbajë referendum në Kosovë për ndryshimet kushtetuese në Serbi, por se kryeministri i Kosovës, Albin Kurti, “po e përkeqëson situatën”.

Ai ka përkujtuar se zgjedhjet serbe në Kosovë janë zhvilluar pa problem në kohën e qeverisjes së Hashim Thaçit, Ramush Haradinajt, Avdullah Hotit, por se Kurti është ai që punon ndryshe.

“Është ai që i ka ndërprerë kontaktet me OSBE-në, me të gjithë. Ai po mundohet të detyrojë Serbinë t’i drejtohet me një kërkesë të veçantë, sikur të ishte diaspora. Kjo është e papranueshme për ne. Territori është unik, është i joni, deshi ai apo jo, le të gjendet ai në botën e vet”, ka thënë Odalloviq.

Referendumi për ndryshimet kushtetuese në Serbi do të mbahet më 16 janar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat